Mathieu Schoevaerdts

(Redjiblé di Matî Schoovaerds)

Mathieu Schoevaerdts (ou co Schoevaerts), c' esteut on pondeu k' a vnou å monde à Brussele li 14 di nôvimbe 1664 (ni ranxhîz nén dins lès lives : i n’ sont nén à djoû) po mori après 1723 (k’ il est adon co assèz vicant po fé on procès).

Il est l' pere di Pire Schoovaerds et l' ratayon da José Schoovaerts.

FamileModifier

S’ popa, Godefroid, esteut imprimeu dins l’ minme veye et s’ mononke François èto.

Godefroid scrijha dins l’ prumire gazete k’ a rexhou e francès e çk’ aléve divni l’ Beldjike, « Le courier véritable des Pays-Bas ou Relationsd fidelles extraittes de diverses lettres et advis ». C' esteut li 29 d' awousse 1649. Il î riscrijha totes les samwinnes disk’ è 1791).

Onk di sès ratatyons, Djåcob a stî, lu, li 11 di fevrî 1421, li prumî des mayeurs di Brussele a esse lomé foû des Nåcions (11 diles, ene miete come des sindicats d' asteure, po tchaeke mestî).

VicåreyeModifier

Mathieu a aprins s’ mestî amon Adrien Boudewijns k’ il î a intré e s’-n atulî li 25 di djun 1682 po passer mwaisse pondeu li 28 di setimbe 1690. Et divni dweyin dèl djile (mestî) e 1694.

Mathieu a eto stî Scabin « advitam » à Creyhem, signeurrîye di Walcoû ki rilevéve d’ Anderlek.

OuvesModifier

On trouve di ses ouves dins bråmint dès muzêyes : Muzêye rweyål a Brussele, Muzêye do Louve a Paris (k' il avént stî scrotés a Tournai do tins d' l' alxhaedje), li Muzêye nåcionå d' Londe, les Ofices e l’ Itåleye, et ôte pårt come e l' Rûsseye.

Sacwants graveures sont-st al Bibioteke Rweyåle. A Anvers, si "Vuwe dèl veye" si pout vir dins l' såle XII do Muzêye del Marene.[1]

RicnoxhanceModifier

On tåvlea d' omaedje si trouve à Paris, nén lon erî del poite d' Auteuil.

Vaici, èn ôte ki rprind l' sudjet d' ene di ses graveures.

D' onk di ses shuvants, dins on covint d' Versailles.

SourdantsModifier

  1. Ricweraedjes da José Schoovaerts