Marius Staquet

Marius Staquet, c' esteut on teyåtreu e picård, k' a fwait s' cårire a Moucron.

Il a skepyî a Sint-På (dilé L' Lovire) li 2 d' octôbe 1920.

Il a morou li 31 d' awousse 1985.

Biyografeye et ouve pol picård

Studes et cmince di s' cårire

Il a studyî l' muzike ås conservatweres di Mont et d' Brussele et fé des prumîs pris.

Adon, i scrît des operetes, come sicrijheu-compôzeu (e walipicård).

E 1951, i vént dmorer a Moucron, et continowe a djouwer teyåte.

A Moucron

E 1963, Moucron eyet Comine sont raloyîs al province do Hinnot, et Staquet tuze k' i fåt mete so pî ene dramatike e picård. Mins lu n' saveut cåzer picård ! C' est adon k' i rescontere po «picårdeu», André Demeyère. Va ndè nexhe ene soce, li «Théâtre wallon mouscronnois», avou Marius come sicrijheu, André come ratourneu e picård, et li feme Staquet, Viviane, come essinneuse.

Adon, ci fourit 27 pîces et rvuwes k' el trope va-st amonter. Elle est sotnowe pa l' RTBF k' endè va prinde 18 captåcions.

Les pîces fourît sovint rimetowes e walon, et djouwêyes tocosté.

Sacwantès pîces da sinnes

• "Plomes, plomes… tralala"
• "Alez ! Leyans lzès ndaler"

Ricnoxhance

L' aisse del tuzance di Moucron poite si no, come li dramatike, ki s' lome «Compagnie Marius Staquet».

Si ouve serè porshuvowe pa Christian Derycke, avou l' minme succès a Moucron, et tocosté e l' Walonreye.