Li catchete (novele)
Li catchete (Li catchète), c' est ene novele sicrîte pa Djåke Desmet diviè 2015.
Ele est scrîte e rfondant namurwès.
Elle a fwait prumî pris al bate des Scrijheus do Cinte, El Lovire, 2016.
Elle a stî replaideye e rfondou dins l' gazete Li Rantoele e 2018 & 2019.
Racourti candjî
C' est l' istwere d' on gaviot ki s' pa est el piole et ki s' moman vént d’ esse ramassêye pa les « bloûws » pask’ ele hapéve di l’ amagnî dins on grand botike. Ça fwait ki les djindåres vinèt cachî après lu, pol mete dins ene famile d’ ascoye, come efant d’ djudje.
Lu n' vout nén, et decider di s’ catchî.
Il passe si prumire nute e gurnî, pu, li londmwin, k' i ploût a drache, i wangne on cahoutea mon d' leu vijhén.
Il adjinçnêye on plan: telefoner a s’ soçon Biernåd et lyi dire di dner si limero d' axhlåve å comissaire Pouria. Kel houke sins tårdjî. Lu lyi conte ene minte, come cwè il est e mitan d' on floye et ki s' naçale prind l' aiwe. I dit s' voleur mete a fén pask' il ont reclôs s' mame indjustumint, po nouri s' fi, veyanmint k' elle aveut stî cayeye a l' ouxh do botike do fré do mayeur cwand si ome a yeu stî metou å yoyo.
Les bleus vont i esse djondous?