Sucide

Li metaedje a fén d' lu-minme, lomé eto sucide, c' est cwand ene sakî si towe leye-minme, di s' prôpe volté.

Motlî

Dins l' lingaedje corant, on dit «i (elle) a fwait måleur si s’ coir»,; «i (elle) s’ a metou a fén» ; «i (elle) a fwait l’ fén d’ lu (di leye)», «i (elle) a fwait måluzance di s' coir»)», «i (elle) s' a distrût», «i (elle) s' a oisté l' veye».

Tecnikes di sucide

• pindaedje : foirt corant dvinltins ; la k’ on creyeut ki l’ coide d’ on pindou poirtéve tchance ; el toponimeye, gn a eto sacwants « Bwès do pindou », el Walonreye et ôte pårt.
• saetchaedje d’ ene bale dins s’ tiesse.
• trawaedje di s’ vinte avou on grand coutea, ene sipêye.
• epweznaedje.
• prôpe djetaedje dizo on trén.
• seppuku, tecnike di sucide djaponès.
• neyaedje, kécfeye avou ene grosse pire loyeye a ses pîs.
• sucide po s' patreye, dins ene guere; po ses idêyes dins ene atake terorisse (camicåze).

Cåzes do sucide

Les cis ki fwaiynut måleur di leu coir sont des djins k’ ont ene grande sofrixhance divintrine. Et purade :

• des djonneas al laide ådje, e margaye avou leus parints, après ene poenne d’ amour…
• des femes måmarieyes (ou des omes)
• des cis k’ ont pierdou èn efant ou ene djin k’ i veyént voltî
• des viyès djins stroupeyes, ki n’ vlèt nén dispinde des ôtes, ou des cis ki sont codånés d’ on griyeus må, evnd.
• des djins ki s’ sintnut dzonorés e leu societé (traeyincieus k’ a fwait des målès afwaires, guerî k’ a pierdou ene batreye).

Espaitchance do sucide

Dins les societés modienes, gn a des cintes d’ aidance sicolodjike po les cis ki vôrént s’ mete a fén. Et des lenes telefonikes esprès, avou des respondeus(es) djoû et nute.

Sociolodjeye

Rilidjons eyet sekes

Les grandès rlidjons monoteyisses (cristinnisse, islam…) sont disconte li metaeje a fén d' lu-minme. Les sucidés ni plèt nén esse eterés e l' eglijhe.

Sacwants sekes come l' Ôre do Timpe solrece (avou notannmint : Luc Jouret) ont — oubén dins ci egzimpe la: avént — organizé brånmint des metaedjes a fén eshonnreces.

Societés

Sacwants societés, come li Djapon, respectêynut et préjhî les sucides d’ oneur, sortot pindant les gueres wice les sôdårds divnut s' distrure al place di s' fé prijhnî på des ôtes sôdårds. Pindant li fén del deujhinme guere daegnrece, brånmint d' nazis s' avént distrût paski l' URSS estént e trén d' prinde Berlin, inte di zels : Adolf Hitler eyet les efants da Joseph Goebbels. C' esteut l' minme avou les Djaponès. Come di djusse, i ni tchictént nén a s' distrure, metans tot si spotchant so les bateas d' guere estazunyins. C' est çk' on lome voltî des « kamikazes ».

Tuzance peuprece

Rilomêyès djins

• Chester Bennington (ancyin tchanteu di Linkin Park)
• Kurt Cobain (ancyin tchanteu d' Nirvana)
• Chris Cornell (ancyin tchanteu d' Soundgarden)
• Adolf Hitler
• Édith Piaf (ancyinne tchanteuse francesse)

Tchansons dzeu

Gn a sacwantès tchansons wice ki l' årtisse djåze voltî do metaedje a fén. Cisse lisse cial n' est nén erîlé :

• Stromae – L'Enfer