Leyon Degrele, on fré (live)

Lèyon Degrelle ? on fré !

Mignolet Degrelle on fré.png

Leyon Degrelle, on fré, c' est on live e walon sicrît e 1937 pa Djôzef Mignolet, so Leyon Degrelle, a môde di louwandje po ene djin k' i shonne foirt admirer.

I fwait 82 pådjes.

C' est l' seul live e walon so on sudjet politike foirt margayiveus di ces trevéns la.

Il a stî eplaidî ås edicions Rex, a Brussele.[1].

Il est dicåçté al feye da Degrele, Chantal.

Cotoû do scrijhaedjeCandjî

Il a stî scrît divant les vôtaedjes di 1939, po fé del riclame po Degrelle.

Kitaeyaedje do liveCandjî

  • Ås léjheus (p. 9-11): i djåze di tos les léjheus ki n' veyèt nén voltî Degrelle, pu dire k' il ont toirt, mins a môde di vantaedje nén espliké.
  • L' Årdene (p. 13-15): discrijhaedje powetike di l' Årdene, ki finit pa on loucaedje admiriveus des Årdinwès, discrîts come «tiestous, des coraedjeus, des foirts, ki rén n' fwait rescouler»… po dire ki «c' est å mitan d' djins pareys, fleur di Walons et d' bons péres, ki Leyon Degrelle a veyou l' djoû.»
  • Li famile (p. 17-19): djåze romanticmint do pa et del mame da Degrele, dins leu måjhon a Bouyon.
  • L' efant (p. 21-23) si ptite efance.
  • Des aiyes (p. 25-29) ses umanités.
  • L'univiersité (p. 31-33): si buze a Nameur, et ses 7 anêyes a Lovén. C' est la k' Djôzef Mignolet el va rescontrer:
La, dji l' a veyou a l' ouve, ca l' franke camaerådreye ki m' loye a lu po todi est bén pus viye ki Rex.
  • Li Walon (p. 37-47): corwaitaedje do live da Degrelle so Louwis Boumål, on nåcionålisse walon anti-flamind. Come Mignolet å cmince:
L' oteur walon ki dj' so (…) s' a batou tote si veye disconte les Flaminds. Cisse bataye la m' avizéve on dvwer et dj' a fwait di m' mî dijh ans å long.
Mins i va rtourner cazake:
Dispoy li recsisse, dji ricnoxhe ki dji m' a trompé.

Pî-noteCandjî

  1. sicrît e walon «Brussèles».