Lete É

Li lete é (On dit eto : E accint sol hintche u E montant accint), c' est ene lete ki n' si voet nén foirt e rfondou walon. On l' rescontere:

• Dins l' codjowaedje des viebes del prumire troke:
  • pårticipes erireces omrins: dj' a tchanté, dj' a bouté.
  • singulî d' erirece durant: dji tchantéve, ti boutéves
  • 5inme djin do suddjonctif prezintrece: ki vos tchantéxhe, ki vos boutéxhe.
• Dins sacwants mots simpes avou l' oyon é/è : pré, clé, sé.
• Dins les cawetes -té & -isté.
• Dins l' cåzu-betchfessî é (oyon é/i) : lét, dji lé, déme, ceréjhe, li Gléjhe, pé k' mi, li pés del vatche, cérudjin, sézaneye.
• Cas tot seu : prétins

Les cwate prumirès sôres si rtrovèt sovint avou ei dins li scrîta, et dins des nos d' djins eyet d' plaeces co scrîts insi asteure e francès (Depreit, La Gleize).

Sacwants mots k' on veyeut sovint avou é dins les walons coinreces ni si rfondnut nén avou é:

• Les calcaedjes do francès u do picård : decimbe (nén décimbe), prezidint, prezinter (nén prézidint, prézinter), velo, demon (nén vélo, démon).
• mots sincieus calkés do latén u do grek: miceliom, imeniom.