Jacques Servotte

Jacques Servotte, ki sene ses ouves «JS dèl Basse-Sambe», c' est on sculteu walon.

(2020)

Responda al Måjhon del Layisté a Nameur (2021)

Il a skepyî a Åjhô li 26 di setimbe 1949.

Tecnikes

Po ses sculteures, il eploye li tecnike del ceramike emayeye.

I fwait eto del serigrafeye.

Ces deus tecnikes la lyi permetnut di fé mwints côps l' minme ouve, adon a-z awè des pris foirt democratikes po lzès vinde.

• 
  pîce di ceramike
• 
  serigrafeye (trope di mascarådes di Farjole)
• 
  si pîce d' egzamin
• 
  detay, avou l' date

Rapoirt avou l' lingaedje walon

Il a ecoraedjî s' feye, Julie Servotte, di bouter so les fitchîs da eplaidî li Motî d' Årsumont.

I djåze voltî walon.

Eto, il a ça d' bea: i dene des nos walons a tchaeke di ses pîces.

• 
  serigrafeye avou on tite e walon (les ptits sont todi spotchîs)
• 
  ceramike å no e walon padzo (batch åzès mannestés)
• 
  tite di l' adjeyante posteure di Farjole
• 
  Lucyin Mahin, fotografyî divant ses posteures, après on responda e walon

Pris

A rascodou l' pris « Namosa de Prométhéa » e 2020 po ene esculteure di bronze ki serè metowe e plin mitan d' Nameur, åzès croejhmint des rowes des Carmes et des Croejhîs. L’ estatowe si lome e walon : « Atelé ».

Alére

• «Des sculteures lomêyes e walon», Li Rantoele l° 93, bontins 2020, p. 19.
• Lucyin Mahin, «Jacques Servotte», Li Rantoele l° 94, esté 2020, p. 19.

Hårdêyes difoûtrinnes

• (fr) Si waibe
  • Pådje di bénvnowe e walon
• Hårdêye viè on responda so si vicåreye et si ouve (sol Tévé walon-cåzante)
  • so Wikisourd: Jacques Servotte (tecse do responda filmé)
• Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Jacques Servore avou l' accint d' Sambveye pol Djåzant atlasse éndjolike des lingaedjes di France et d' avår la.