Ecefalite do Nîl coûtchantrece
L' incefalite do Nîl coûtchantrece, c' est ene ecefalite (maladeye del tiesse) des tchvås ki sont hagnîs d' on picron k' edjîstrêye li virûsse do Nîl coûtchantrece. Li minme maladeye pout acsure les djins et les oujheas, copurade les pareys å coirbå.
Spårdaedje
candjî
Li maladeye provént d' Afrike. Elle a stî trovêye pol prumî côp e l' Ouganda e 1937 , dins l' province do Nîl coûtchantrece, dins l' sonk d' ene djin k' aveut ene miete di five. Ça a stî eplaidî e 1940.
Cas dins les tchvås
candjîLes prumîs cas dins les tchvås malådes ont stî discrîts e l' Edjipe e 1963. [1]
E l' Urope ci fourit el France, après l' Mîtrinne Mer, diviè 1970. [2]
Li maladeye a stî ricnoxhowe e 1996 do costé d' Larache å Marok (94 tchivås, moulets et ågnes crevés et declårés a l' OIE). [3]
On l' a rtrové e 2000 el France (el Camargue), pu co e 2003.
On l' a co on côp rdeclåré å Marok e 2003 todi dins les plinnes do Gharb (dilé Kenitra). So 9 tchivalrins. Li minme anêye, on-z a rveyou l' maladeye el France.
L' ecefalite d' esté / paralizeye do farink des tchvalidîs dins les Douccala, est ç' do Nîl coûtchantrece ?
candjîDispu les anêyes 1990, on a rescontré dins les viyaedjes des Douccala metous nén trop lon del mer ene maladeye nierveuse des tchvalidîs (tchivås, moulets, ågnes) ki l' cogne clinike li pus corante, c' est l' paralizeye del goidje. Mins gn a eto des cas d' ecefalite awiyante.
Ele si voet purade del fén do moes d' djun disk' å moes d' setimbe.[4]
Li maladeye pôreut esse cåzêye på virûsse di l' ecefalite do Nîle coûtchantrece, k' on è rtrove des anticoirs dins l' sonk des tchvås dins des ôtès coines do Marok avou les minmes biyonaxhes.[5]
-
Moulet paralizé del goidje wårdant des clåves el boke -
Moulet volant boere wårdant do trefe el boke -
Moulet peneus (paralizé del goidje) -
minme moulet, coraedje di raetchote -
parey -
Pestelaedje d' on tchvå sol fén -
ouy efouwé (minme tchivå) -
Papî e francès sol maladeye
Sourdants & pî-notes
candjî- ↑ Schmidt, J.R., El Mansouri, H.K. (1963) Natural and experimental infection of Egyptian equines with West Nile virus; Ann. Trop. Med. Parasitol. 57, 415-427.
- ↑ Joubert L. et al (1974), Bull. Soc.Sci. vét Méd comp. Lyon, 76, 255.
- ↑ Hassan Iraqui, Contribution à l'étude sérologique et entomologique de la maladie West Nile dans la région de Larache, Teze di medcene veterinaire, Rabat, 2006.
- ↑ (fr) Lucien Mahin, L' Espace vétérinaire, Cazablanca, decimbe 2013.
- ↑ (fr) Iraqui Houssaini Hassan, come cial ådzeu.
