Imidocar

L' imidocar (riwalnijhaedje do no tchimike imidocarb), c' est ene drouke k' on s' è sieve dins les biesses po médyî les rodjès aiwes (avou djaenisse) cåzêye pa on protozowaire do sonk lomé «Babezia» (Babesia spp.).

tcherpinte del molecule

Istwere

Li drouke a stî discoviete dins les anêyes 1970.

Kékès indicåcions

• ås tchvås: djaenisse et rodjès aiwes cåzêyes pa Babesia equis et Babesia cabali.
• ås vatches: djaenisse et rodjès aiwes cåzêyes pa Babesia bovis; anaplasmôze.
• ås bedots: djaenisse et rodjès aiwes cåzêyes pa Babesia ovis.
• ås tchéns: djaenisse et rodjès aiwes cåzêyes pa Babesia canis.

Ôtes uzaedjes

On l' pout eployî po espaitchî les babeziôzes ås bovrins (a dobe dôze et dmey) et ås tchvås (a dobe dôze).

Tins d' rawårdance

Li tind d' rawårdance, po les vatches laeçreces, c' est 7 djoûs (14 modêyes).

Les berbis laeçreces ni polèt nén esse médieyes et modowes.

Pol tchå des bovrins ey ovrins, c' est 90 djoûs; les tchvås médyîs ni plèt nén esse abatous pol manguinreye.