Hosdin

Hosdin (prononcî /hɔz.dɛ̃/ u /ɔz.dɛ̃/, fr. Hosdent), c' esteut on hamtea d' Latene divant les grands rebanaedjes di 1977; asteure, c' est on viyaedje do grand Braive, el province di Lidje.

Djeyografeye

Li viyaedje est trevåtchî del Mouhagne.

Istwere

Esteut aprume on fî do conte di Nameur (disk' å 14inme sieke). Adonpwis, i divna prôpieté di l' abeye di abeye Sint-Cornelisse-so-Inde (dilé Åxhe, e l' Almagne d' asteure, mins adon dins l' minme sint Impire Romin Djermanike).

Al fén do Vî Redjime, li libe baronreye di Hosdin esteut loukeye come ene franke tere d' Impire.

Tourisse

A emantchî tot ene oizirreye po mostrer l' ahivaedje des sås et l' ovraedje des oizires (viyaedje ås oizires).

Nos d' plaeces di Heusdin

• tier des broûs
• rowe des cortis
• rowe des rouwalles