Henri Collette

Henri Colette (riwalnijhåve Hinri Colete) a skepyî li 9 d' awousse 1905 a Måmdey (adon prûssyinne) et-z î dhoter li 19 di djanvî 1981.

diviè 1930

C' esteut on scrijheu e walon, prumé a ene bate di l' SLLW.

Riprins dins les deux antolodjeyes da Maurice Piron.,

Di s' pus hôt diplome, il esteut docteur ezès lingaedjes tîxhons. Sol fén di s' veye, il acsegnive li latén eyet l' grek, foû des scoles.

Vicåreye

I veyeut voltî les scrijhaedjes di l' Antikité. Et pår tot çou ki toutche ås lingaedjes, romans et tîxhons. I scrirè minme ene ramexhnêye di powinmes e-n almands (måy eplaidîs, et ki l' papîscrît est pierdou).

Kischiré inte l' amour del Beldjike et l' ci di l' Almagne, k' i louca todi come si patreye di nexhance, i disfinda li nazisse. Adon, après l' guere di 40, il esta codåné a ene poenne di prijhon et meskeyou del nåcionålité bedje. Come i dmora todi a Måmdey, il î vikéve come sins-patreye.

Ouve e walon

I n' a waire sicrît e walon, a pårt ene ramexhnêye di xhilteas «Plomes do cok». Ele wangna ene bate SLLW e 1928, fourit eplaideye e 1934, pu replaideye e 2016.

Alére

Si vicåreye comintêye: Li Rantoele 81, prétins 2017.

Hårdêye divintrinne

• Plomes do cok (arimés)
• Onk di ses xhilteas (del minme ramexhnêye)