Lete H

Pol discramiaedje des årtikes avou l' mot « H », loukîz cial.

Li lete H, (grande lete “H”, pitite lete “h”), c' est 8inme lete eyet l' 6inme cossoune di l' alfabet latén.

Grands et ptits H

E walon (rifondou et sistinme Feller, mins nén divant 1900), li lete H riprezinte todi l' son H vuzlé (/h/).

e rfondou walon

Les H do rfondou sont bråmint des H prumreces (hepe, håye), å pus sovint d' ene etimolodjeye tîxhone.

Ådvins des mots, sacwants H provnèt do ristopaedje d' on ahiket : brouheur / ahessî.

dins des betchfessîs scrijhas

Li lete H si rtrouve eto :

• dins le betchfessî xh
• dins le betchfessî jh
• dins le betchfessî sch
• dins le betchfessî sh

dins les walons coinreces

Loukîz a : halcrosse H

Dins les accints do walon, on a on fondaedje do H tot vnant erî do walon do Levant. I pout aveur des pus flåwes prononçaedje (Basse Årdene), ene espaitchance do loyaedje (walon do Mitan), mins å coron (walon do Coûtchant), n' a pus ni prononçaedje n espaitchance å loyaedje.

e francès

Loukîz a : halcrosse H

e l' espagnol

Li H dins l' dobe lete HU sieve a scrire li son W dins sacwants nos d' plaeces (Huelva).

Hårdêyes divintrinnes

• H prumrece
• Halcrosse H
• Betchfessî xh
• Betchfessî jh
• Betchfessî sch
• Betchfessî sh