François Bailleux

François Bailleux (e walon, Tchantchès Bayeu), c' esteut on scrijheu e walon, mimbe askepieu del SLLW, et si scretaire del prumire seyance disk' a s' moirt.

François Bailleux

Portrait da François Bailleux

Skepiaedje	23 d' awousse 1817
Moirt	4 di djanvî 1866
Activités	scrijheu

WIKIDATA

Il a skepyî e 1817 ey a morou li 14 di djanvî 1866.

Il est rprins dins l' grosse antolodjeye da Piron.

Di s' mestî, il esteut pårlî.

Ouve pol walon

Il a ratourné toplin des fåves da Lafontinne e walon. Il a scrît ossu sacwants tchansons e walon.

Il a fwait des rcwerances so l' ortografeye do walon, so l' diccionairaedje, mins co purade so l' eplaidaedje des vîs tecses e walon, inte di zels, les cis do teyåte lidjwès.

Françwès Bailleux, veyou pa Nicolas Lequarré

Li ci k' dj' a wårdé pol boune betcheye, li pårlî Tchantchès Bailleux, et k' dj' åreu motoit dvou lomer 1' prumî, å respet des siervices sins pareys k' il a rindou al Societé so ene gote pus d' nouv ans k' endè fourit scretaire, dispoy li prumire seyance disk' å djoû di s' moirt, li catoize di djanvî meye ût cint swessante-shijh.

I n' aveut k' cwarante ans, mins on pout dire k' end aveut viké l' dobe, télmint k'il aveut d' l' exhowe et k' esteut djinti.

Sins neglidjî ses prôpès afwaires, Bailleux ovra d' pîs et d' mwins ostant pol Societé k' po nosse vî lingaedje lu-minme. Tot rcwerant les regues ki li shonnént les meyeus po scrire li walon d' adroet, i trova co l' tins d' ataker on diccionaire walon, di mete e nosse lingaedje ine boune pårt des belès fåves da La Fontaine et di scrire kékès tchansons.

Ons etind co tchanter "Vinez, Mareye", k' est come on nozé bouket d' fleurs, et vos n' dirîz måy ki c'est l' minme pene k' a scrît "Li maladeye da Madame Beldjike, wice ki Bailleux prind plaijhi a disbiyî ses innmis politikes et a lzî dire leu conte avou les pus coixhantès lawes do walon, k' end a portant des metchantes.

Alére

• Alphonse Le Roy; François Bailleux, étude biographique et critique, BSLLW, 1867, p. 43-76.
• Ulysse Capitaine; bibiografeye da François Bailleux, BSLLW, 1867, p. 77-.

Hårdêye divintrinne

Si ratournaedje del fåve "Li Coirbå et li Rnåd

Hårdêyes difoûtrinnes

• (fr) Notule biyografike sor lu scrîte pa Maurice Piron
• Ene fåve di Lafontinne ratournêye pa François Bailleux ("Li rinne et l' torea", recitêye pa des efants e 2010, videyo sol tévé waloncåzante, avou l' tecse e rfondou padzo)
• Li Wiccionaire si rsieve di sacwantès fråzes da François Bailleux po-z enimådjî des mots k' i gn a.