Erûle tere

Ene erûle tere, c' est ene tere ki pout esse tcherwêye (å cimnce, d' ene eraire, did la, ès no).

Les erûlès teres e porcintaedje del sitindowe di tchaeke payis

Li stindowe des erulès teres comprind :

• les teres ki sont tcherwêyes podbon (couteures)
• les djouxhires
• les cortis

Sacwantès teres polnut divni erûles pal voye do sårtaedje u do spiraedje. Gn a yeu eto sacwantès erûles teres k' ont stî rwangneye sol Mer (poldesses holandès).

Li stindowe des erûlès teres sol Daegne, c' est çoula ki decidrè, al fén des féns, li nombe di djins k' i pout aveur so tere.

Po des linwincieusès racsegnes sol mot "erûle", alez s' vey e splitchant motî.

Sitindowe des erûlès teres sol Daegn

Li Daegne etire conte 148 miyons d' km² d' teres. Ladvins, end a ki 31 miyons ki sont erûles. Ça fwait a pô près 21 åcint.

Tos ls ans, i s' piede 100.000 km² d' erûlès teres, a cåze di :

• li crexhance des veyes.
• li dezertifiaedje.
• li fjhaedje di voyes et otovoyes, d' areyopoirts, di båzes militaires, evnd.