Voye

Ene voye ^{aschoûtez lu}, c' est on tchmin ki, dinltins, aléve d' on viyaedje a l' ôte, tot prindant å pus direk.

Få tchmin

Li mot "voye" a dné bråmint des nos d' plaeces del Walonreye.

Mwaissès dnêyes

Li voye passéve sol costé des frexhisses, trevåtchive les bîs ås wés et fjheut pus vite on "Y" k' on "X", cwand ele si pårtixheut e deus.

Ele poirtéve sovint l' no do viyaedje u del veye eyu k' ele aléve, u ossu l' no des sôres di djins ki l' eprontént: Li voye di Djedene, di Bouyon, d' Anloe… des boûtîs, des shabotîs,… li voye do fier, li voye do tcherbon…

Ces voyes la estént sovint etertinowes, ca l' passaedje î esteut frecant. C' esteut nén come les fås tchmins, k' estént des tchmins d' tere, nén spirés, et avou des foites årmeures bén parfondes, ca les rowes di bwès estént stroetes et s' efoncént foirt dins l' mole tere. Ça a candjî asteure ki les bindaedjes di pneus on veu l' djoû, çou k' a ralårdji les årmeures.

Des voyes especiåles, c' ere les hierdåvoyes et les tcheråvoyes.

Gn a d' l' adire inte ene voye, on pazea, on rotoe, ene rowe, ene pavêye, ene grand-rote, ene cwate-bindes ey ene otostråde.

Hårdêyes divintrinnes

• voye rominne