Ecefalite do Nîl coûtchantrece

L' incefalite do Nîl coûtchantrece, c' est ene ecefalite (maladeye del tiesse) des tchvås ki sont hagnîs d' on picron k' edjîstrêye li virûsse do Nîl coûtchantrece. Li minme maladeye pout acsure les djins et les oujheas, copurade les pareys å coirbå.

Li rascråwant virûsse

SpårdaedjeModifier

Li maladeye provént d' Afrike. Elle a stî trovêye pol prumî côp e l' Ouganda e 1937 , dins l' province do Nîl coûtchantrece, dins l' sonk d' ene djin k' aveut ene miete di five. Ça a stî eplaidî e 1940.

Cas dins les tchvåsModifier

Les prumîs cas dins les tchvås malådes ont stî discrîts e l' Edjipe e 1963. [1]

E l' Urope ci fourit el France, après l' Mîtrinne Mer, diviè 1970. [2]

Li maladeye a stî ricnoxhowe e 1996 do costé d' Larache å Marok (94 tchivås, moulets et ågnes crevés et declårés a l' OIE).  [3]

On l' a rtrové e 2000 el France (el Camargue), pu co e 2003.

On l' a co on côp rdeclåré å Marok e 2003 todi dins les plinnes do Gharb (dilé Kenitra). So 9 tchivalrins. Li minme anêye, on-z a rveyou l' maladeye el France.

L' ecefalite d' esté / paralizeye do farink des tchvalidîs dins les Douccala, est ç' do Nîl coûtchantrece ?Modifier

Dispu les anêyes 1990, on a rescontré dins les viyaedjes des Douccala metous nén trop lon del mer ene maladeye nierveuse des tchvalidîs (tchivås, moulets, ågnes) ki l' cogne clinike li pus corante, c' est l' paralizeye del goidje. Mins gn a eto des cas d' ecefalite awiyante.

Ele si voet purade del fén do moes d' djun disk' å moes d' setimbe.[4]

Li maladeye pôreut esse cåzêye på virûsse di l' ecefalite do Nîle coûtchantrece, k' on è rtrove des anticoirs dins l' sonk des tchvås dins des ôtès coines do Marok avou les minmes biyonaxhes.[5]

Sourdants & pî-notesModifier

  1. Schmidt, J.R., El Mansouri, H.K. (1963) Natural and experimental infection of Egyptian equines with West Nile virus; Ann. Trop. Med. Parasitol. 57, 415-427.
  2. Joubert L. et al (1974), Bull. Soc.Sci. vét Méd comp. Lyon, 76, 255.
  3. Hassan Iraqui, Contribution à l'étude sérologique et entomologique de la maladie West Nile dans la région de Larache, Teze di medcene veterinaire, Rabat, 2006.
  4. (fr) Lucien Mahin, L' Espace vétérinaire, Cazablanca, decimbe 2013.
  5. (fr) Iraqui Houssaini Hassan, come cial ådzeu.
I gn a so les cmons Wikipedia des imådjes ou fitchîs son a vey avou Ecefalite do Nîl coûtchantrece .