Djimbe

Djimbe (F. "Gembes"), c' est èn ancyin ptit ban del Walonreye, rebané avou Dåvdisse.

L' eglijhe di Djimbe

Djimbe est metou al maxhe des aiwes di l' Almaxhe et del Rancene, çou ki pôret espliker s' no, a pårti do gayel (come Djinape et Djmele).

• Limero del posse: 6929 (davance 6889)
• Limero diyalectolodjike: Ne 20; mwaisse pont d' l' A.L.W.
• Etimolodjeye et vî(s) scrijha(s): rl a : Djimbe.
• Sipotaedje des djins: les Minousses.
• Po les vî(s) scrijha(s), riwaitîz dins l' esplicant motî.
• Eplaeçmint sol Daegn : 50°00'00 N - 5°03'59 E
• Stindowe : 792 Ha.
• Altitude : 315,13 m å soû d’ l’ eglijhe.
• Dimanants: 386 (1893)
• Eglijhe: 1877-1878 a Sint Djan, so ene viye eglijhe k' avot pus d' 100 ans. L' aleu d' Poitchrece dèpandot di l' eglijhe di Djimbe.
• Comene :
  • An V. Dipårtumint di Sambe et Mouze
  • An VIII. Arondixhmint di Sint Hubert
  • An X. Canton d' Welin.
  • 1814 Dipårtumint Sambe et Oûte.
  • 1815 Province di Nameur
  • 1818 Province du Lucsambourg, arondixhmint d' Måtche
  • 1823 Comene di Hôt-Fayi
  • 1837 Comene di Djimbe
  • 1839 Arondixhmint do Tchètea

No di des plaeces di Djimbe

• A vey avou des tchamps et des sårts :
  • Gåssåt (sårt Waldo, so plaece: Gossau, e F. Gosseau).

• A vey avou des åbes et des bwès :
  • Bwès-Ban (so plaece: Bwâban).
  • å Tchenlisse.
  • Li Planinea (e F. Planiné, vî scrijha : Planinay)

• A vey avou des dmorances et des djins :
  • a Djimbrêye (e F. Gembreille, Gembrai), ki sereut l' vî Djimbe, u li Ptit Djimbe (Djimbrea), metou al copete do Ri d' Planinea.
  • Al Coulêye (so plaece: al Culéye).
  • So Hodimont (so plaece: so Dumont, e F. Sodimont)

• A vey avou des aiwes :
  • Ri d' Bissu, aiwe ki court so Sohire.
  • Å Graevî
  • Gådri (so plaece Gaudru, ri da Waldo).
  • a Ritchåfontinne (F. Rèchanfontaine)
  • Li Pont des Gades.

• A vey avou des Monts et vås
  • Les Rwesses d' Our (so plaece: les Rwasses d' Our, e F. Croix d' Or).
  • So les Moyus.

Istwere

Ou XIII° s., Djimbe, tot come Bive dèpandot des moennes do Mouzon. Cwand il ont vlou basti Proajî, i s' ont arindjî avou l' eveke di Lîdje, k' astot ossu duk di Bouyon et Djimbe è todi dmoré al Dutcheye di Bouyon.

A vey

Lu trô l' ermite , crin d' rotche so l' Almache. On dit k' al pesse du 1636, i n' dumèrot pus a Djimbe ki deus frés. Il ont don vnou vey l' ermite, k' astot ossu sôrcî et ki lzî è dné ene yebe a mwârciyî, po schaper del pesse.

La rotche do Maki d' Graide, A on bon kilomete, a rmontant Rancène, après awè passé l' Mont, lu site do combat des makisards lu 1° d' setimbe 1944)