Djeu d' mots

On djeu d' mot, c' est ene riyotreye rashiowe so ene omofoneye. Dj' ô bén k' c' est ene rireye k' on dit tot cåzant, pask' on mot rishonne foirt a l' oraye a èn ôte.

sint Çanses = sins çanses

Ça pout esse dins ene crake u dins ene simpe response.

Piceure

Les djeus d' mots candjnut bråmint sorlon les lingaedjes. Come d' efet, i gn a ki rotnut dins on lingaedje mins nén e-n ôte.

E walon, i polèt aler po on metou accint mins nén po èn ôte.

Egzimpes di vîs djeus d' mots, ki n' alèt k' e walon

egzimpe 1

- Kimint çk' on s' lome ?

- Avou ene tchandele

«lome» est comprins come codjowa do viebe si lomer dins l' prumire fråze, et do viebe si loumer dins l' deujhinme.

egzimpe 2

Dins ene couyonåde classike, on mwaisse di scole, moussî avou ene blanke tchimijhe, s' ecrouke (modêye Henri Matterne) et sketer li boton di s' col (pareymint tot montant so ene schåle dins l' modêye Emile Pecheur). Si copleu lyi dit: «c' est l' prumî côp ki dj' voe èn instituteur ki n' est nén mwaisse di scole» (etindoz: ki n' sait mwaistri s' col di tchmijhe).

egzimpe 3

Djeu d' mots rashiou sol mot «coye»: 1. mintreye, couyonåde; 2. tiesticule.

Ricopiedje des djeus d' mots do francès

• inte tchet et «mozete» (tradût d' on djeu d' mot francès avou «chatte»).
• inte polet et djindåre (e francès, «poulet» po les deus).