Fås sint

On fås sint, ene fåsse sinte (on dit eto: on forveyou sint, ene forveyowe sinte), c' est on sint (ene sinte) k' on ndè cåze, mins ki n' a måy egzisté.

Fås sints vinant d' ene rireye

Sint Çanse

C' est des djeus d' mots fwaits a pårti di l' omonimeye sint / sins. Insi, on dit, cwand on-z a tot vudî ene botaye di gote: la co on "sint". Les djins croyèt k' on cåze d' on sint ome, mins ça vout dire: la co on sins (dj' ô bén: ene botaye sins gote). Sint Çanse c’ est on laid sint ! (Sint Çanse est metou po sins çanses")

Sint Amadou

dins l' ratourneure: Vo m' ci coirzenoxh, come Sint Amadou (rireye paski sint Amadou n' egzistêye nén, et dabôrd, ni s' såreut mostrer coirzenoxh.)

Fås sints vinant d' ene inscripcion må coprinjhe

Sinte Matrice

Fås sints askepyîs avou ene idêye politike dirî l' tiesse

Sint Napoleyon.

Ôtès sôres

sint-Friskin; on prononce eto sint-Fruskin.

Si sint-Friskin, c' est tot çou k' on-z a. "Magnî tot l' sint-Friskin": c' est kischirer tot çk' on-z a. "Ramasse tot t' sint-Fruskin" vout dire "ramasse tos tes cayets, tos tes djonnes". On lyi vindrè l' sint-Friskin, c' est ene dijhêye po onk ki cdût må ses afwaires.