Cwarante Molons (soce)
Li Soce "Moncrabeau" ou Les Cwarante Molons (Quarante Molons), c' est ene soce di bénfjhance di Nameur.
Istwere candjî
Li soce fout metowe so pî oficirmint li 27 di setimbe 1843 a Nameur pa Nicolas Bosret, Charles Wérotte, Philippe Lagrange et Julien Colson, a pårti del Cofréreye des Minteus.
Li no "Moncrabeau" vént d' on viyaedje di Gascogne, la k' gn aveut eto ene cofrereye di minteus.
Elle a stî rlomêye "les 40 Molons°", ca les molons sont come les Namurwès : londjins.
Li soce a come divize "Po les pôves".
Tchaeke mimbe si lome on "Molon" ou on "Moncrabeaucyin".
Uzances candjî
Les prumîs Molons n' ont nén meskeyou leus foices po fé rviker li lingaedje walon a Nameur.
Ås fiesses, les Molons si mostrèt so on tchår avou des droles d' instrumints d' muzike, mins sovint avou ene flûte a l' agnon padrî ki les fwait roter.
Disk' å djoû d' ouy, il adjinçnèt, ås Fiesses del Walonreye, ene bate di mintes. Li wangnant est lomé li "Rwè des Minteus" po èn an. Charles Massaux a wangnî l' bate sacwants côps.
Les bate di mintes et l' siermint des Molons si dveut fé e walon. Mins il acceptèt eto l' francès.
Ôtes etrevéns candjî
Bosret di s' no d' famile : live da Joëlle Spierkel ki raconte l' askepiaedje des «Cwarante Molons».
-
Afitche sol måjhon-comene di Nameur, e moes d' may 2023.
