Cawete -ter

Li cawete di codjowaedje -ter fôrmêye des viebes so l' bodje d' on cmon no (pacô dedja avou l' cawete -ete ou -et) ou d' èn ôte viebe.

• betch ou betchete => betchter
• foye => fouyter
• canler ou canlete => canlter
• tchike ou tchiket => tchicter
• bouyete => bouyter

Codjowaedje

Bråmint des viebes avou l' cawete -ter ont ene cossoune divant l' T, plamour k' i s' ont fôrmé pa spotchaedje del cawete -ete ou et do sustantif bodjrece.

• betchete => betchter
• canlete => canlter
• tchiket => tchicter
• bouyete => bouyter
• « ki- » + tchén => kitchinter

Adon, i s' codjownut tertos a môde di codjowaedje tchicter

Les viebes avou ene voyale divant l' T, c' est k' i gn a nén moyén di spotchî l' betchete -ete, ca gn a ddja deus cossounes divant (fåt todi shuve li rîle des troes cossounes).

• berwete => berweter

Adon, i s' codjowèt come bouter.

Sinsyince

L' idêye est todi ene pitite accion, ou ene accion fwaite a ptits côps.

• tchicter = s’ ocuper di ptitès sacwès (latén cicca = pitit cayet).
• bouyter = fé toplin des bouyes come åk ki cût tot doûçmint.

Sinonimeye

Li minme adierça pout esse obtinou avou l' cawete -yî. Pacô, gn a des sinonimes djusse diferins pal cawete.

Po sacwants mots, on a ene sôre di dobe rifondowe avou l' cawete -oter

• betchter / betchoter

Hårdêye difoûtrinne

Viebes avou l' cawete "-ter" dedja studyîs sol Wiccionaire