Cawete -isse 2

Disambig.svg Pol discramiaedje des årtikes avou l' mot « Cawete -isse », loukîz cial.

Wiktprintable without text.svg

Po des linwincieusès racsegnes sol sititchete "-isse", alez s' vey sol Wiccionaire

Li cawete -isse 2, c' est ene cawete copieye di calcaedjes do francès, leye-minme copieye do latén, po des noûmots k' ont aspité bråmint a cmincî do 19inme sieke : «anårtchisse», «socialisse», «comunisse», «terorisse», «estremisse», «rweyalisse», «ciclisse».

Li cawete -isse est omofone d' ene ôte cawete -isse, sovint po des plaeces, et veyowe do mwais costé («flaxhisse», «frexhisse», «tchinisse»).

SourdantModifier

E walon, di cåze do displouctaedje des dobès cossounes å coron, les deus cawetes francesses -isme et -iste dinèt ene seule cawete : -isse.

Li cawete -isse 2 a si bén stî ascoyeye e walon, k' elle a rsiervou po des noûmots nén calkés do francès : «fotbalisse», u avou on candjmint d' sinse e walon: buralisse». Mins il egzistént motoit e minme tins e francès d' Beldjike.

Eployaedje del cawete -isse 2 e walon d' ouyModifier

Les scrijheus n' ont nole eguegne po-z eployî li cawete -isse po les mots ki s' sicrijhnut avou -iste e francès.

Mins po les mots avou isme, c' est pus rujhûle. Bråmint des scrijheus wårdèt li scrijha "-isme", mågré k' i n' est nén prononçåve dins l' fonolodjeye classike do walon.

Portant sacwants motîs walons dinèt "-isse" a tot côp bon :

Les ôtes (Motîs do Coûtchant walon, Motî d' Nivele, Franwal di Nameur tapnut l' côp foû : i n' dinèt rén po "comunisme" u "socialisme".

Adon, po on stîle rissintou come pus "peur", on årè ptchî di replaecî li mot avou -isme på mot avou -iste.

Li comunisse (fr. le communisme) a fwait bråmint do bén, mins eto bråmint do må.

serè replaecî pa

Les comunisses (fr. les communistes) ont fwait bråmint do bén, mins eto bråmint do må.

Noûmots d' lanawaireModifier

Les noûmots po replaecî l' cawete -iste si front spontanêymint des cåzeus et scrijheus.

Les noûmots po replaecî l' cawete -isme divront esse ehåyîs, et spårdous pa les rfondeus : «crustinnisse», «payinnisse», «islamisse», «atletisse».

Hårdêye difoûtrinneModifier

Sacwants sustantifs avou l' cawete -isse 2 (dedja studyîs sol Wiccionaire)