Betchete e-

Li betchete e-, c' est ene betchete k' a deus diferinnès valixhances:

• betchete e- d' endalaedje (l' accion si fwait tot cwitant l' sudjet, viebes vijhéns des cis avou li spitron evoye)
• betchete e- d' ecloyaedje (l' accion vout dire mete ene sacwè divins l' bodje do viebe ou mete li bodje do viebe divins ene sacwè).

Ele sieve eto po les noûmots d' calkés di mots francès avou l' betchete en-.

Egzimpes di mots avou l' betchete e- d' endalaedje

Viebes

• betchetes simpes : emoenner, epoirter, elever, eshuve
• dobès betchetes : ecdure, remoenner

Ôtes mots

• adviebes : evoye
• divancetes : eviè
  • avou ene dobe betchete : peviè
• sustantifs : ecdût

Egzimpes di mots avou l' betchete e- d' ecloyaedje

Viebes

• betchetes simpes : ecwårler, emacraler, etourpiner, elaxhî
• dobès betchetes : reclôre, resserer

Ôtes mots

• addjectifs : emayî
• divancetes : emon, eddins
  • foû-rîle : replaecêye pa å- : ådvins, ådfoû

Egzimpes di noûmots d' calcaedje

• eciclopedeye, ecefalite

Candjmints dins les accints do walon

Li betchete e- ni s’ prononce «è» (/ɛ/) ki so Nameur et Lidje.

El Basse Årdene, li betchete e- est omofone del betchete a-.

etinde (ôre) => atinde minme prononçaedje ki atinde = ratinde (rawårder, tårdjî)

Sol Coûtchant walon, astok des Picårds, c’ est puvite in- (intinde).

Hårdêye difoûtrinne

sol Wiccionaire

• Sacwants mots avou l' betchete e-
  • Sacwants viebes avou l' betchete e-
    • Sacwants viebes avou l' betchete e- d' endalaedje
    • Sacwants viebes avou l' betchete e- d' ecloyaedje
  • Sacwants dvancetes avou l' betchete e-