Balåsse

Balåsse ( so plaece Balausse, F. Balâtre), c' est èn ancyin ptit ban del Waloneye, rebané avou Djmepe-so-Sambe.

eglijhe

• Limeros del posse: 5190 (vî limero 5833)
• Limero diyalectolodjike: Na 51
• Eplaeçmint sol Daegn: 50°30'N - 4°38'E

Djeyografeye

Li cinte do viyaedje est a l' copete d' on tiene å dzeu del Ligne, ene corante aiwe ki vént di Lignè et s' eva djonde l' Ôrnô, et do Ri di Grand-Vå.

Li viyaedje est acolé à Sint-Mårtén.

Djeyolojeye

Dins li Bos Belin, a bijhe-coûtchant do vilaedje, les castinnes fwaiynut des trôs, des fondreyes des setchès vås et totes sôtes di castinnixheusès fômes.

Foclore

Nûtons

Å ban gn a ene pitite bôme å pî d' ene rotche. Les djins do viyaedje dijhnut k' i gn a des nûtons ki vicnut vaila. Si vos avoz ene bouye a fé, vos lzî ploz dimander. Gn a k' a poirter l' ovraedje padvant l' bôme. Å matén shuvant, ci serè houte. Mins ni rovyîz nén di dner ene pitite sacwè a magnî ås nûtons. Ou adon i vos frént sacwantès mwaijhès fårces.

Nos d' plaece

Hamteas et coulots

• Li Pelémont
• Les bans
• Campagnete
• L' île

A vey

Li cinse-tchestea