Anloe
Anloe (avårla, on prononce Anlè u Anlë; fr: Anloy) c' est èn ancyin ptit ban del Walonreye, rebané avou Libin.
- Limero del posse: 6890 (vî limero 6912)
- Limero diyalectolodjike: Ne 31
- Nombes di dmorants : 399 (2004)
- Arondixhmint: Li Tchestea
- Sipotaedje des djins: Foixhetes (so plaece Fwâchète) u Schoupletes (so plaece : Chwapletes).
- Rime-rame: A Our, li diåle î court; a Maissin, on l' ratind; a Anloe, on l' fote sol toet, a Viyance, on lyi fote so s' panse, a Transene, on lyi fote so s' schene; a Smu, on lyi fote so s' cou et ås Libins, on l' pind.
Po les vîs scrijhas, les disfondowes et l' etimolodjeye, alez s' vey e splitchant motî.
No di des plaeces d' AnloeModifier
Hamteas d' AnloeModifier
- Les Peteles (Lomaedje des djins: les Petlîs).
- Li Rotchete (avårla, on prononce La Rotchète, al Rotchète)
DjeyografeyeModifier
Raiwî pa l' Aiwe-di-Lesse ki vént d' Ôtchamp, et cori so Maissin.
CwîModifier
Padzeu li Rotchete, li long di l' Aiwe-di-Lesse, on pout vey on grand crin d' rotche k' on dit ki lodjeut dinltins les Nûtons (Pépés). Dins l' mitolodjeye walone, les nûtons c' ere des ptits omes ki dmorént dins les rotches et k' on n' veyeut jamwais, ca i n' rexhént ki tins d' par nute. Il estént foirt serviåves po les djins. Gn aveut k' a lzî poirter des solés a rassavter et lzî mete di l' amougnî et del låme et li londmwin å matén, les solés estént rarivés bén rfwaits. Mins, i n' faleut nén les manker, ca, adon, il avént vite fwait di s' rivindjî. On pout co vey divant l' rotche dilé l' aiwe, creuzés dins l' pire, des trôs come des schieles k' on dit k' i vnèt do rawijhaedje di leus usteyes. On menir di 5-6 metes est coûtchî dlé l' intrêye del grote. Gaston Lucy raconte dins La coumére ki pètot li spoûle d' on nûton k' aveut volou vni vey les comeres a Our.
IstwereModifier
Bråmint des djins touwés et des måjhons broûlêyes al guere 1914-1918.
Dipus d' racsegnes so AnloeModifier
Hårdêye difoûtrinneModifier
- Fåve do Trô do Bok a Anloe (ramexhnêye pa E. Benoit).