Viyance
Viance
Viyance (avår la, Viance; fr: Villance), c' est èn ancyin ptit ban del Walonreye, rebané dins l' Grand Libin, el province do Lussimbork.

Mwaissès dnêyes candjî
- Limeros del posse :
- asteure : 6890
- davance : 6911
- Limero diyalectolodjike : Ne 23
- Arondixhmint : Li Tchestea
- Lomaedje et spotaedje des djins did la :
- Lomaedje : Viyancinîs (Viancinîs), Viyancinires (Viancinîres) u Viyancinresses (F. Villançois, oise)[1]
- Sipotaedjes:
- les Pele-panse, u les Grossès Panses (assez grossî, mins ki rime).
- les Graevîs (radoûcixhant, mins ki n' rime nén).
Rime-rame candjî
A Our, li diåle î court; a Maissin, on l' ratind; a Viyance, on lyi fote so s' panse; a Transene, on lyi fote so s' schene; a Smu, on lyi fote so s' cou et ås Libins, on l' pind.
Sacwants nos d' plaeces di Viyance candjî
Loukîz sol pådje tote seule
Istwere candjî
Li vî ban di Viyance (Viyance lu-minme, Transene, Les Libins, Smu, et, tenawete Ridû et Maissin) aveut stî rashonné pås moennes di l' abeye di Prum (Prüm, asteure e l' Almagne). Il est dedja cité avou tos ses contes feyodås dins l' poliptike di Prum (893).[2]
Del Mîtrinne Ådje, i dpindeut del signorreye di Mirwå.
Li tchestea d' Viyance esteut el plaece di l' eglijhe d' asteure. El sacristeye, gn a co des dales avou des dates.
Economeye candjî
Industreyes (e 2004) candjî
- deus soyreyes.
- ene munujhreye.
Tuzance candjî
Ricwerances so l' istwere. candjî
Li soce d' istwere et des vî alaedjes do ban des Libins si lome Villancia.
Tuzance walone candjî
Sicrijheus e walon: Ernest Benoit; Pierre Otjacques (ki provént d' Glaireuse). C' est a Viyance ki Lucyin Mahin a skepyî.
- ↑ Jean Germain Avis de recherche : Wallons, comment vous appelez-vous, Vers l'Avenir, 24 d' octôbe 2007.
- ↑ http://polycarolingien.free.fr/article.php3?id_article=18