Amour

Pol discramiaedje des årtikes avou l' mot « vey voltî », loukîz cial.

L' amour (disk' å 18inme sieke, l' amor), c' est on sintimint di parfond ataetchmint d' ene djin a ene ôte djin, mins eto a des biesses, des plantes, des sacwès, des cwålités, des sudjets d' creyance.

scultreye da Jacques Servotte enimådjant l' amour

sicrijhaedje e pires «ich liebe dich» (dji vos voe voltî) dins ene ancyinne schayire e l' Almagne

enimådjî pa Pierre Auguste Cot (1873)

Motlî

Li manire classike di dire si amour, c' est avou l' viebe «vey voltî» / «vir voltî».

Mins on a reployî eto li simpe viebe «inmer», come e francès. Insi, Bruno Picard wangna li pris del tchanson e walon e 1985 avou ene tchanson lomêye «Dji t' inme, Mareye-Jane»; Chistian Thirion, dins èn adrovaedje del Rantoele-gazete, trouve li vierbire «vey voltî» ene miete aviyeye. Mins toplin des scrijheus et des cåzaedjisses ont ptchî di siervi «vey voltî». Metans, André Gauditiaubois, dins l' tchansons da Wiyam Dinker «Vir voltî, c' est tot çk' on vout dins l' vicreye».

Essegnes di l' amour

• li cour, sovint trawé d' ene fritche. Insi, dins l' pitit roman da Pierre Lazard «Letes di guere d' on piyote»

Dj' a ene fletche d' amour plantêye e plin mitan di m' cour. .

• li foete (monde arabe); la k' «mi ptit foete» vout dire «mi tcher amour».
• li pitite andje avou èn air ås fritches, et avou on no omrin «Cupidon» si rtrouve voltî dins les scrijhaedjes e walon. Insi, dins l' tchanson «L’ andje ki pindeut l’ aiye» da Jean-Pierre Vervî (riprinjhe dins l' sitroete plake «Les nutes di måle lune».

Spots et dijhêyes e walon so l' amour

• Li ci ki n' a nén cnoxhou l' amour, i n' a rén cnoxhou del veye (C61)
• L' amour, c' est èn abcès å cour ki s' percêye på cou (C61)
• L' amour, c' est cwate djambons pindous å minme crampon (C61)
• l' amour fwait danser les ågnes (SpG1)
• l' amour tchait ossu bén so on tcherdon k' so ene rôze (SpG1)
• l' amour, l' amour (S117)
• e walon, "amour" ni rime nén avou "todi" (C. Massaux).
• les berikes et les blancs tchveas sont les cwitances di l' amour (SpG1)
• l' amour rishonne å feu ki s' discovere pal foumire (SpG1)
• çou k' l' amour fwait fé, dijheut ele tot rabressant s' vea (SpC99)
• i fåt semer cwand l' tere est amoureuse
• Pus çki l' bok powe, pus çki l' gade li voet voltî

Hårdêye divintrinne

lives da Jean-Jacques Gaziaux sol sudjet

Hårdêye difoûtrinne

Tecses e walon so l' amour (so l' Aberteke)