Djus d' beyôle
Li djus d' beyôle (on dit ossu : aiwe di bôle), c' est del seuve di beyôle k' on rascode cwand l' bwès boute, djusse al fén d' l' ivier.
Såjhon d' rascodaedje
candjî
Tecnike
candjîOn dit k' on va trawer ene bôle.
On pout fé çoula avou on windea. Docô k' on-z a trawé li schoice, on voet l' ameur ki gote. Après, on mete ene pitite buzete di plastike po k' el gotaedje våye dins ene botaye di plastike, ou çki l' aiwe di beyôle si rashonne.
I fåt rilever s' botaye tos les djoûs u tos les deus djoûs, ca l' aiwe di bôle ni s' wåde nén advitam. Après deus troes djoûs, ele si brouye. C' est bén l' diferince avou del vraiye aiwe.
Cwand ça n' gote pus, i fåt ristoper l' trô di l' åbe avou ene broke di bwès. Li schoice si rnourit, et l' anêye d' après, on n' voet nén ddja la k' on-z aveut fwait on trô.
On l' pout edjaler, et l' riboere pus tård dins l' anêye. Si vos fjhoz rlignî ene edjalêye botaye dins l' frigo, ele disdjale tot doûçmint, et ça fwait djusse çou k' i fåt a ene djin so on djoû.
-
Rascodaedje do djus d' beyôle e l' Almagne di l' Ess (1985) -
Des scolîs åtoû ene botaye po rascode li djus d' beyôle -
Ricloyaedje do trô k' on-z a rascodou l' djus d' beyôle, al fén del såjhon
Médiants efets
candjîOn dit k' ça rapeure li coir.
Ça fwait pixhî et ndaler a l' ouxh.
Ça apoite des traece-elemints.
