Ôrimiele

Wiktprintable without text.svg

Po des linwincieusès racsegnes sol mot "ôrimiele", alez s' vey sol Wiccionaire

Èn ôrimiele (on dit eto: on copere-loriot, èn ariole, on colåd-piråd, on måvi d' ôr)[1], c' est on gros djaene moxhon come les sprewes avou des noers penas (pol måye), mins foirt catchete, et målåjhey a vey; li frumele est bråmint pus ptite et avou ene vete coleur.

Puszcza nad Gwdą, wilga.jpg

A cåze di ses plomes di coleur d' ôr, on li spote cobén li rwè des bwès.

No d' l' indje e sincieus latén : Oriolus oriolus

Famile : spriwidîs

VicaedjeModifier

L' ôrimiele fwait on ni pindou après les coxhes.

C' est ôrimiele est èn oujhea foirt pawoureus. On nel voet ki bén rålmint. Il est foirt midone avou ses djonnes, ki magnèt des ceréjhes et des halenes.

L' ôrimiele arive el Walonreye e moes d' may; il est la tins do fenåmoes. Did la onk des xhinaedjes di s' tchant, "Dixhombrez vs, i va ploure".

I revole eviè les tchôds payis docô k' ses djonnes sont-st aclevés.[2]

SipårdaedjeModifier

 
mape d' acovaedje (vete) et d' iviernaedje (bleu)

Il acove so l' Urope et l' Afrike bijhrece.

E l' ivier, i voyaedje disca l' Mîtrinne Afrike eyet l' Afrike nonnrece.

Tos les ôtes nos walons d' l' ôrimieleModifier

Xhinaedje di s' xhuflaModifier

L' ôrimiele hene on djoyeus xhuflaedje, del môde "dileliyo-didlo". Did la, tos les xhinaedjes di s' xhufla

Pask' i magne voltî des ceréjhesModifier

Copere-loriot, gn a-t i co des ceréjhes å bos ? (u: gn a-t i tant des ceréjhes å bos ?)
C' est nén por vos, c' est po m' gaviot.
Loriot, loriot, n a-t i co des ceréjhes låvå ? (u: Voet on ceréjhes låvå ?)
Gn a bråmint mins c' est po m' goziô.
Loriot, loriot, est ç' k' i gn a des ceréjhes låvå ?
Non, gn a pus k' des pikes et des picots.
Ås ceréjhes, ceréjhes, Pierot !
A l' anêye, nd årè-t i co ?
Nos magnrans piretes eto.

u:

Ass des pious, Pierot ?
Dj' end a waire, mins i sont gros ! (u: mins c' est des gros !)
Loriot, loriot, les ceréjhes sont ele maweures ?
Rexhe, rexhe å gozî.
Loriot, loriot, les ceréjhes sont ele maweures ?
Des grintches å trô !
Loriot, loriot, les ceréjhes sont ele meures å bos ?
Way, mins nd a co k' ene,
Et c' est po m' feme.

Ôtes tinmesModifier

  • pask' i rvént å tins k' on aléve siyî les crouwås (inds les dinrêyes, les canadas, evnd.)
Colåd-Piråd,
Magrite est ås crouwås
Les bounès grintches ![3]
Dixhombrez vs, i va ploure ![4]

L' ôrimiele dins les nos d' plaeces del WalonreyeModifier

  • Rowe di l' ôrimiele: rowe di Spå.

L' ôrimiele dins les belès letesModifier

Hårdêye difoûtrinneModifier

Portraits d' l' ôrimiele

SourdantsModifier

  1. Po tos les nos e walon, et leus accints, loukîz al notule ALW 8 54.
  2. Léon Demarche, L' ôrimiele ou måvi d' ôr, Cotcorico l° 3, esté 2007.
  3. A.L.W. 8, notule 54.
  4. Léon Demarche, come cité ådzeu.
I gn a so les cmons Wikipedia des imådjes ou fitchîs son a vey avou l' ôrimiele .