Sapén d' Noyé
On sapén d' Noyé (pus corant ki «èn åbe di Noyé»), c' est on djonne sapén k' on mete e s' måjhon å Noyé.
On ndè mete eto des pus grands so les batis des grandès veyes.
Li sapén d' Noyé dimane disk' après l' novelan. Adon, on l' tape evoye ås grands dhalaedjes.
Gåyotaedje
candjîIl est gåyoté di boles di totes les coleurs. Et des blawtantès loumires. Et des guirlandes.
On mete voltî ene sitoele al copete.
Å pî d' l' åbe, les djins metèt ossu ene creche, apus k' les cis ki n' sont nén crustins.
Gn a des bistokes k' on drouve tot ratindant matene u a èn ôte moumint.
Coûtivaedje di sapéns d' Noyé
candjîTchuze di l' indje
candjîProdujhaedje el Walonreye
candjîEl Walonreye, gn a des societés ki produjhèt des grandès cwantités di sapéns d' Noyé po vinde patocosté. Gn a eto des prticulîs ki nd ont fwait, ca i polèt esse metou dins les tchamps (ci n' est nén loukî come on bwès pa li lwè). Ciste indistreye la si rescontere aprume so l' Årdene.
Les sapéns, cénk a dijh ans vîs, sont ddja côpés al Tossint, et resserés dins des wayimes di plastike.
A stî l' tins k' i les evoyént avou des pots d' tere, mins ça a dvou esse disfindou dins les anêyes 2010, po n' nén spoujhî les teres di l' Årdene, dedja pôves d' avance.
-
crexhant ezès pots (2010) -
pots abandnés (2009)
Dins les belès-letes
candjîLi floriconte da Andersen, «Li sapén», raconte l' istwere d' on ptit sapén k' a divnou sapén d' Noyé.
-
fén d' veye, come dins l' floriconte
