Zizi (oujhea)

Li zizi, c' est on moxhon. Ès no e latén, c' est « Emberiza cerlus ».

Foto d' on zizi di seke omrin, el Sipagne.

Piceures

Lingaedje walon

I n' fåt nén comaxhî les mots « zizi » eyet « zîzî ». Li prumî, c' est l' no do moxhon. Li deujhinme, c' est on mot polisemike, insi k' on mot d' efant po les iys.

Fåwami

Li mot francès « zizi », lu, il est seulmint uzé po cåzer do vé. Po dvizer del biesse, on direut puvite « bruant zizi ».

Coir

El zizi, i fwait 15 a 16,5 cintimetes di lon. I peze dins l' vintinne di grames.

Edroet

Ene mape avou les edroets ewou çk' on pout vir des zizis.

On-z el trouve purade do costé del Mîtrinne Mer. La ki kécfeye, i va pus lon. Al Bijhe, i sait daler disk' å Benelusse, å Rweyåme-Uni u co e-n Almagne. Mins nerén, avou les candjmints climatikes, cist oujhea la va motoit rmonter pus hôt. Dins l' Europe levantrece, on l' pout rålmint vir e-n Otriche, el Hongreye ey el Roumaneye.

Cwek' on l' pout vir kécfeye el Waloneye, i n' vént pus nichî.

Såvrité

Li zizi n' est nén mancî. Totfeye, l' agrandixhmint di l' agricoûteure est mwaijhe pol biyovaryisté eyet po ci moxhon la.