Benelusse

Li Benelusse u Beneluss (oficirmint Benelux), c' esteut èn acoird di comiece inte li Beldjike, les Bas Payis eyet l' Grande Dutcheye. Il a stî siné è 1949, mins i gn' aveut ddja ène union etur èl Beldjike ey èl Lussimbork dispoy 1928. Lès deus principåles lingaedjes sont èl Francès ey èl Neyerlandès.

Lomaedje

C' est les prumirès silabes di «Beldjike», «Nederland» (li no des Bas Payis e neyerlandès) et «Lussimbork» (oficirmint Luxemb(o)urg).

Demografeye

• Dimorants : 29.098.000 dimorants (e 2017)
• Sitindêye : 74 657 km²
• Dinsité : $29098000\div 74657=389,76$dimorants/km²

Adierça

Sorlon l' acoird di 2008 (ki n' est k' ène rapontiaedje do li ci d'1958), el Benelusse, c' est ene aloyance ki doet disfinde les djins et leus interesses.

L' Union vout abråyler les troes payis pol diswalpaedje economike.

Rizultats

Èç-n union la a permetou, bén avant l' traité d' Måstrék, ki lès djins ey lès béns polnuxhe cotyî libmint dins ces troes payis la.

Ça fwait ki çiste union la pout esse waiteye come l' ahiveuse di l' Union Uropeyinne.

Divant ey après

I shuveut l' Union manoyrece beldji-lussimbordjwesse.

Il a pierdou cåzu tos ses advintaedjes avou l' arivêye do Cmon Martchî ås 6 payis e 1957.