Yvon Laurent
Sicrijheu e walon, k' a stî inspecteur di l' acsegnmint speciå
Yvon Laurent, (e walon Ivon Lorint), a skepyî a Rômedene li 17 di djanvî 1934. C' est on scrijheu e walon.
Di s' mestî, il esteut dins l' acsegnmint speciå (sicoles po les efants nén come les ôtes).
A costé di ses scrijhaedjes e walon, il a eto scrît des lives e francès.
Il est eto on pondeu, et on mwaisse tchanteu dins les tchantreyes.
Ouve e walon
candjîIl a cnoxhou Emile-Joseph Piret k' a stî s' mwaisse di scole a Rômedene. Mins i n' lyi a måy djåzé k' il esteut eto on scrijheu e walon (i scrijheut cåzu catchetmint).
Ses scrijhaedjes sont des sovnances, des arimés (pår des cis po ls efants) et del prôze nén racontrece.
Els a-st eplaidî dins l' Bourdon (sovnances), dins les Noveles des WASAB (arimés), et dins l' Rantoele (prôze nén racontrece).
Hårdêye difoûtrinne
candjî
Li Wiccionaire si rsieve di sacwantès fråzes da Yvon Laurent po-z enimådjî des mots k' i gn a.
Vos trouvroz des racsegnes so les ouves da Yvon Laurent, u les ouves zeles-minmes, so Wikisourd e walon.- Pådje avou sacwants d' ses scrijhaedjes (so l' Aberteke)
- Si pådje sol waibe do live del Province do Lussimbork (e francès)
