Waterlô (nl & fr: Waterloo), ubén « Watèrlo » e Feller, c' est ene comene-intité di Walonreye, el province do Braibant walon.

(wa) Waterlô – Watèrlo
(fr) Waterloo
(Detays) (Detays)
Eplaeçmint del comene dins l' province
Lingaedje oficir Francès
Lingaedje coinrece Walon do Coûtchant
No des dimorants ?
Limero diyalectolodjike Ni 21[1]
Limero del posse 1410[1]
Borguimwaisse Florence Reuter
Eplaeçmint - Arondixhmint di Nivele

- Province do Roman Payis

- Walonreye

- Beldjike

Sitindêye 21,02 km²[2]
Peuplåcion (2023) +/- 30.477 dimorants
Dinsité (asteure) 1.429,2 dimorants/km²[3]
Coisse d' eure ECG (ECG+1) / CEST (UTC+2)
Preficse telefonike (+32) 02

Etimolodjeye candjî

A cåze des ebagants Walons et Flaminds el Amerike, gn a co 2 veyes ki s’ lomnut todi Waterlô: ene al Wisconsene, l’ ôte å Michigan.

Istwere candjî

Å 12inme sieke, li covint da Foresse aveut des teres a Waterlô, çou k’ a stî metou so papî e 1245 pal påpe Enocin IV.

E 1410, li duk braibanteu Toene di Borgogne a leyî ndaler sol hiede do viyaedje sacwantès biesses da lu: 30 vatches, 12 tchivås, 2 cavales et 25 pourceas. Adon li hiede a stî vindowe po bråmint des cwårs.

Li cinse a stî bouxheye el timp del bataye do 18 di djun 1815, et esse distrujhe e 1818. Mins cisse fameuse batreye di Waterlô la n' s' a nén passé a Waterlô minme, mins purade dins ene plinne tot a costé, sol teritwere di Brinne-l'-Alou; çou k' i gn aveut a Waterlô c' esteut l' posse di comandmint inglès. Eto, les rlidjeus ospitålîs ont yeu eto des teres a Waterlô, sol Mont Sint Djhan. Il ont basti sacwantès måjhones, ewou çk’ ons a médyî les coixhîs sôdårds toltimp del bataye. Li duk di Wellington a metou s’ cwårtî djenerå å mitan do viyaedje, mins on s’ a batou sol Mont Sint Djhan.

Economeye candjî

Les djins estént des cinsîs. D’ après sacwants papîs did 1819 on sait ki les cinsî d' Waterlô conoxhént li culteure alternative, dispårteye so 4 ans. E ç’ timp la i gn aveut a Waterlô on molén a vint, deus bressenes ey ene troyreye. E 1838 ons a metou so pî ene fabrike di souke et co ene ôte di prodûts tchimikes. E 1896 i gn aveut 5 savonreyes, èn ovroe di stofe, 3 ovroes di tchapeas, èn ovroe d’ imprimreye so stofe, 5 ovroes d’ brikes.

E 1970, so 17.764 dimorants di Waterlô, 4.217 boutént dvins l’ industreye.

Nén lon d' Waterlô, sol comene djondant d' Brinne, i gn a l’ Bosse do Liyon, avou s’ monumint al copete, a l' oneur del bataye di 1815.

Adjermelaedje candjî

Waterlô est adjermelêye avou :

  •   Rambouillet (France)
  •   Nagakute (Djapon)
  •   Differdange (Grande Dutcheye do Lussimbork)

Referinces eyet sourdants candjî

  1. 1,0 et 1,1 https://lucyin.walon.org/diccionairaedje/brouyon_viyaedjes.html
  2. https://www.uvcw.be/fiches-locales/25110
  3. https://walstat.iweps.be/walstat-fiche-entite.php?entite_id=25110

Modele:RC/Waterlô