Waloto

Li Waloto, c' est on djeu d' kine sins limero, mins avou des imådjes et li mot walon corespondant.

Troes cwåtes et 6 imådjetes

On pout don diswalper sacwants walotos diferins sorlon li tinme tchoezi.

Il a stî atuzlé pås djins do Walon e scole d' après Tchålerwè (Francine Burton, Claire Colonval, Aimé Dupont, Marie-France Gilles, Jeannine Hansenne, Nadine Modolo et Pierre Yernaux).

Discrijhaedje

Les 6 cwåtes sont avou 8 tchambretes, tchaeke avou on dessén et li no ki va avou. Les biblots a poujhî, c' est des ptitès imådjetes avou les minmes desséns et les minmes sicrijhaedje.

Po cmincî, on pout leyî veye les imådjes. Adonpwis, on dmandrè å pexheu (al pexheuse) d' anoncî l' imådje k' i vént d' poujhî e walon, sins mostrer l' dessén.

• 
  poujheuse rexhant ene imådjete del boursete
• 
  ene cwåte rimpleye
• 
  wangneuse binåjhe d' awè fwait "kine"

Tinmes dedja diswalpés

Gn a ddja rexhou troes rîlêyes diferinnes

• les biesses del cinse
• les ôtès biesses
• les verdeures et les fruts