Walo+ gazete
Walo+ gazete (on prononcive Walo-pluss gazete), c' esteut ene gazete avou do francès et do walon, eplaideye pa l' UCW, et k' a parexhou di 1999 a 2005, ça fwait 26 limeros ki vudént tos les troes moes.
![](http://upload.wikimedia.org/wikipedia/wa/thumb/1/1a/Gazete_walo_plus.jpg/220px-Gazete_walo_plus.jpg)
Li mwaisse adjinçneu, c' esteut Stéphane Quertinmont, mins l' mwaisse des scrijhaedjes, c' esteut Paul Lefin.
Elle prezintéve cåzu todi les noveas lives et les novelès stroetès plakes e walon.
Li gazete esteut eto eplaideye so les fis.
On a sovint rprotchî al gazete d' aveur trop di francès ådvins. Les scrijhaedjes e walon estént todi dins les walons coinreces des scrijheus, mins gn a yeu tenawete des ptits papîs e rfondou walon. Gn aveut eto tenawete on papî e picård.
Li gazete rexheut a 10.000 egzimplaires, li pus foirt tiraedje po les gazetes e walon å cmince do 21inme sieke. C' esteut eto li seule vraiye gazete, fwaite so do papî d' gazete. Eyet l' prumire vraiye gazete e walon k' a stî eplaideye e coleur.
Sacwantès coirnêyes
candjî- Pådje del Federåcion di l' UCW pol province di Lidje (francès et walon).
- Pådje del Federåcion di l' UCW pol province do Lussimbork (francès et walon).
- Pådje del Federåcion di l' UCW pol province di Nameur (francès et walon).
- Pådje del Federåcion di l' UCW pol province do Hinnot (francès et walon).
- Li coirnêye di l' AIELCM (soce pol disfinse des mancîs lingaedjes e l' Urope), k' esteut scrîte e francès
- "So les toeles", li coirnêye di corwaitaedje di fimes da Marcel Slangen.
Hårdêye difoûtrinne
candjî- Pådje avou (cåzu) tos les limeros del gazete, aberwetåves (i manke les limeros 23-26)