Vîs djoûs

Les vîs djoûs (pus politicmint comifåt ki "viyesse"), c' est l' dierinne termene del veye.

Viyès djins so on banc

L' aviyixhmint est eto studyî el biyolodjeye, po totes les vicantès sacwès : loukîz a aviyixhmint (biyolodjeye).

Ådjes del veye

0 a 2 ans	2 a 12 ans	12 a 18 ans	18 a 65 ans	65 a 100 ans
pitite efance	efance	laide ådje	tins d' grande djin	vîs djoûs

Motlî =

Les cis (cenes) k' sont dins leus vîs djoûs si lomnut des "viyès djins", ou des "vîs", radoûcixhanmint, des troes-côps-vint. Après 80 ans, des "cwate-côps-vint".

Dinltins, èn djin d' 50 ans esteut ddja waiteye come ene viye djin. Asteure, sapinse li spot del gazete Tintin, on s' loucreut voltî come djonne disk' a 77 ans. Adon, les "vîs", c' est les cwate-côps-vint.

Sacwants piceures des vîs djoûs

Sacwants divnèt pus sûtis, pus påjhires.

On-z atrape des gris tchveas (on dvént tchenou).

Sacwants refantixhèt.

Dinltins, bråmint des viyès djins s' ocupént di leus ptits-efants, k' i nd estént sovint les pårén et mårene.

Dispu les anêyes 1970, el Walonreye, totes les viyès djins ont leu pinsion. I plèt pus åjheymint aveur on pasmint d' tins.

Mins, todi pus sovint, les viyès djins sont "plaeceyes" pa leus efants : dj' ô bén : metous e l' ospice.