Vive nosse Walonreye (tchanson)

Vive nosse Walonreye (Vîve nosse Walon’rèye), c' est ene tchanson patriyotike sicrîte pa Camille Gaspard,

Rilomêye

Elle est voltî tchantêye dins les fiesses di waloneus e l' Hôte Årdene.

Sacwants, comme André Lamborelle, el tchantént minme pus voltî ki l' Tchant des Walons.

-1-

Li Bon Diu n’s-a d’né l’ boneûr

D’avu l’ pus bê dès payîs,

Èt-z-è-st-i sûr ki là-d’zeûr,

Lu-minme èl veût fwért vol’tî.

I fêt si bon d’î viker

K’on-z-î oûveûre tot tchantant

Èt minme ci k’èl deût cwiter,

Dimeûr’rè todi si-èfant !

Rèspleû

Vîve nosse Walon’rèye,

Bê payîs d’amoûr ! Vigreûze èt nozèye,

Èlle a tot nosse coûr.

K’on n’ djåze pu di s’ vîlèsse

Ca, lon dèl lèyî mori,

Nos lî rindrans s’ djônèsse,

Awè, vîve nosse bê payîs !

-2-

Avå sès rowes, sès corons,

Sès campagnes èt sès grands bwès,

On rèsconteûre tot dè long,

Li cogne dè vigreûs Tchantchès.

È plin coûr di sès cités,

Sès-ouhènes èt sès clokîs

Tchantèt l’ djôye èt l’ libèrté ;

Awè, c’è-st-on bê payîs !

-3-

Bê payîs, ni t’ lê nin djus !

Wåde ti lingadje èt tès spots.

Bèle Walon’rèye, dispiète-tu

À l’êreûre d’on djône solo.

Ki, so t’ banîre, nosse vî coq'

Si rèscrèstèye d’on plin côp ;

K’ine novèle djèrmèye di stok

Fasse riglati t’ nom bin hôt !