Trî (toponimeye)
On trî u ene trîxhe, c' est ene tere ki n' est nén tcherwêye dispu lontins.
Ça pout esse ossu ene tere leyeye e djouxhire po èn an, et k' on rsemrè l' anêye d' après.
Dins sacwants viyaedjes do payis d' Lidje, gn aveut en ptite trîxhe e mitan do viyaedje, la k' les efants alént djouwer : on l' loméve sovint l' trîxhea (trîhê).
Les ptits trîs si lomnut eto ene trîxhete, on trîxhtea, on trîxhon, on triyot, on triyeu.
Ces mots la rivnèt sovint dins les nos d' plaeces del Walonreye.
Alez s' vey e splitchant motî po des linwincieusès racsegnes so les mots "trî", "trîxhe", "trîxhea", "triyot" et "trixhete".
Plaeces avou "trî"
candjî"trî", c' est l' mot e walon do Mitan et Coûtchant, la ki li XH lidjwès a fondou.
- Boumål : Les longs Trîxhes
- Landliye : Li Trî do Gô
- Lavervå : El Trî d' Håyes
- Malône : Mwaîs trî
- Måmdeye (veye) : Ezès Trîs do Mé
- Miå : El Trî
- Moustî-so-Sambe : li Trî al Mote
- Oudè : El Trî
- Pont-a-Cele : El blanc Trî
- Salzene : So les Trîs
- Såt Biernåd : So les Trîs
- Tchôfontinne : Trî Motet (F. Tri Mottet)
Plaeces avou "trîxhe"
candjî"trî", c' est l' mot e walon do Levant.
- Djoupeye : Rowe des Trîxhes
- Tchôfontinne : Trîxhe des Vegnes
Plaeces avou "trîxhea"
candjî- Gråce-Hologne : rowe Trîxheas (trîhê, F. Trihais)
Plaeces avou "trîxhete"
candjî- Esneu : el trîxhete.
Plaeces avou "trîxhtea"
candjî- Esneu : so les trîxhteas
Plaeces avou "trîxhon"
candjî- Rivire : Trîxhon
Plaeces avou "triyot"
candjî- Viyance : So les Triyots.
Plaeces avou "triyeu"
candjî"triyeu", c' est purade on mot picård, mins il a moussî lon el Walonreye, do costé d' Flipveye et Dinant.