Pol discramiaedje des årtikes avou l' mot « Påke », loukîz cial.

Po des linwincieusès racsegnes sol mot "Serêye Påke", alez s' vey sol Wiccionaire

Li Serêye Påke, po les crustins, c' est l' dimegne après Påke.

Sinonimeye candjî

  • li Clôse Påke, l' Eclôse Påke u l' Reclôse Påke[1]
  • li Blanke Påke[2]
  • li Deujhinme dimegne di Påke[3]
  • li Dimegne del cazimodo[4]
  • li Dimegne del divene Mizericôre[5]

Mwaissès piceures candjî

C' est l' dierin djoû po "fé ses påkes". Dj' ô bén, s' aler cfesser et aler al comunion po les cis ki n' î vlént aler k' on côp l' an (li minimom po dmorer crustin). Après çoula, les påkes sont clôses, serêyes, dabôrd.[6]

Li Serêye Påke est eto spotêye Påke des Mônîs u l' djoû des mônîs u dimegne des monnîs.[7]

C' est a cåze di l' idêye ki les mônîs ni s' alént cfesser k' adon, pask' i rmetént disk' al dierinne broke di dveur avouwer tos les hapaedjes di farene k' il avént l' no di s' è rinde coupåbes.

"Blanke Påke" vént do latén "Dominica in albis", di cåze des blancs mousmints des catrucimîs k' alént esse batijhîs ci dimegne la.[8] On dit cobén eto po l' Serêye Påke Dimegne des catrucimîs.

Li messe e latén di ç' djoû la kimincive avou les mots "Quasi modo geniti infantes" (come des efants djusse sikepyîs). Djustumint paski les grandès djins ki s' fijhént batijhîs estént rmetous, po leus petchîs, come des novea-nés.

Rilevåve Serêye Påke candjî

El Beldjike, e 1960, on aveut batijhî mwints catrucimîs, et des grands efants, ci dimegne la. C' esteut tos des cis ki rivnént do Congo.

Pî-notes candjî

  1. come li neyerlandès Beloken Passen.
  2. come l' almand Weißer Sonntag, li slovake Biela nedeľa, li slovene Bela nedelja, li tcheke Bílá neděle.
  3. come li suwedwès Andra söndagen i påsktiden.
  4. Loukîz ls ôtes sinses do mot "Quasimodo".
  5. Lomaedje pus novea (anêyes 2000).
  6. A on certin moumint, ci fourit li djudi après Påke.
  7. Loukîz a mônî.
  8. Sorlon l' Wiki neyerlandès.