Franz Schubert
Franz Schubert, c' esteut on rlomé compôzeu d' muzike classike otrichyin. Il a vnou å monde li 31 di djanvî 1797 a Lichtental (dilé Wîne) et mori l' 19 di nôvimbe 1828 a Wîne.
Il est come l' essegne del muzike romantike almande et c' est l' grand mwaisse do lied. Il a bråmint scrît del muzike di tchambe, eyet ossi pol piyano. Il a leyî ene dijhinne di sinfoneyes, des keurs et co del muzike d' eglijhe.
Ca bén k' il a morou tot djonne, a 31 ans, Schubert e-st onk des compozeus k' a scrît l' pus d' muzike dins les anêyes 1800 et des: di pus d' meye ouves. Biacôp ont stî eplaideyes après s' moirt et sont portant des tchîfs d' ouve ki n' ont fwait ki do refoirci li rlomêye da Schubert après s' moirt.
Shuvance dins les ouves e walon
candjîLaure Gastes a scrît des tchansons e walon so les airs da Franz Schubert (divins l' live «Powinmes e walon da Lôre Gesell»).
Adelin Lebrun a scrît ene sinnete so l' sinfoneye e si mineur do compôzeu (divins l' ramexhnêye di powinmes «Dins les Fleûrs do Ptit Jésus»).