Schinlaedje
Li schinlaedje, c' est li fjhaedje di schinons a pårti d' côres (baguetes di côrî.
Adonpwis, avou les schinons, on fjheut des tchenas des mandes et des coirbeyes, tos ovraedjes di banselreye.
Codaedje des côres candjî
Les schinleus alént å bwès e l' erî-såjhon po code des côres ou schinlires. C' est des baguetes di côrî, belzè droetes, ni trop djonnes ni trop viyes ; dijhans des rdjets di 2 a 4 ans. I fåt aler ås côres cwand les noejhes sont sweres (djaenes-brunes) et schayetes (k' ele si drovèt d' zeles-minmes et toumer).
Hazixhaedje candjî
On meteut les fas d' schinlires al gregne po les leyî hazi (souwer tot doûçmint), por zeles divni bén coriantes. Elle î dvént dmorer troes a cwate samwinnes.
Schinlaedje candjî
On fwait on prumî acrén a ene aspagne (15 20 cm) do dbout del côre. Pu on-z avance avou on coutea tins k' on ploye li côre so li djno po l' fé pårti. Pu porshure tot do long del côreye, po-z aveur on schinon di troes cwate metes long.
Cwand on-z a yeu l' prumî schinon, on atake li deujhinme pu les ôtes (4 ou cénk, todi).
Descrijhaedje des schinons candjî
On schinon est 8 a 10 milimetes lådje et troes cwate metes long. Gn a des beas, sins nuk, del minme sipexheur, et des cis k' ont moussî dins l' bwès ou ndè sôrti (sovint des trop djonnès côres, ou des côrîs d' fagne). C' est po ça k' i les faleut rewaler tot raezant les pus spès.
Sourdants candjî
- Lucyin Mahin, Ene båke so les bwès d' l' Årdene, tome II, pp. 129-132 (Mwaisse modêye)
- Edmond Delvaux, La fabrication des paniers, Enquêtes du Musée de la vie wallonne, n° 32-33 (1934-1935), p. 224-244 (rahouca O15 des djivêye des motîs do walon).
- Les schinons et l' schinlaedje, Li Rantoele 60 (ivier 2011-2012).