Salåde ordinaire

verdeure des cortis ås grandès vetès foyes
Pol discramiaedje des årtikes avou l' mot « salåde », loukîz cial.

Po des linwincieusès racsegnes sol mot "salåde", alez s' vey sol Wiccionaire

Li salåde ordinaire, c' est ene sôre di verdeure avou des lådjès vetès foyes.

côpêye
come verdeure d' ene eurêye avou ene trûte et do wastea d' crompires

Sincieus no d' l' indje : Lactuca sativa

Coûtivaedje candjî

On les pout semer dins des pots, et les rpiker cwand ele sont grandes assez (10 cintimetes), po k' ele ni soeyexhe nén magneyes des lumçons.

On les pout dedja magnî après 6 samwinnes.

Fåt côper l' salåde divant k' ele ni monte a smince, po fé èn amagnî k' on lome eto ene vete salåde.

Si on l' vout leyî monter a smince, i n' fåt prinde ki les grandès foyes d' ådfoû, et leyî l' cour.

Biesses magneuses di salåde candjî

Lumçons candjî

Les lumçons et les caracoles magnnut voltî les salådes. I fåt di tote foice les ahouwer di ces biesses la.

On pout mete des botayes di plastike côpêyes dizo l' cô, et k' on a rsaetchî l' cou. On pout ossu mete come ene baricåde avou des taeyantès piretes (graevetes di låve). Les fenes schåfes d' oû u les måres di cafè, ça n' va nén si bén.

Çou ki va co l' mî, c' est les prodûts towe-lumçon. I n' è fåt nén mete bråmint: kékes grins totåtoû des salådes (30 grins å mete cwåré, c' est ddja assez).

Gn a ossu des ronds viers formagnants des lumçons, k’ on vind tot vicants. Mins ça costêye tchir. Portant, po les cis k’ ont on grand corti, i seront cwite des lumçons po deus ans.[1]

Rates candjî

Les rates magnèt les raecinêyes des salådes.

Ôtes sôres di verdeures siervowes come salåde candjî

Li cabuzete, c' est ene varyisté d' salåde, mins avou on gros cour.

Li salåde des tchamps et l' doûcete polèt replaecî l' salåde, li prumire e moes d' måss, li deujhinme e moes d' nôvimbe et decimbe (el Walonreye).

Gn a eto les scarole u andives.

Sourdant candjî

 
Commons
I gn a so les cmons Wikipedia des imådjes ou fitchîs son a vey avou les salådes orinaires .
  1. (nl) Laurence Michiels, Sla kweken zonder slakken (ahiver des salådes sins lumçons), HLN