Robert Counson
Robert Counson, c' esteut on scrijheu e walon (dizo si no d' pene di "Fré Spirou"[1]) ey on compôzeu d' muzike di Måmdiy.
Il aveut veyou l' djoû a Sprimont li 8 di djanvî 1922. Il a fwait s' dierinne clignete li 20 d' octôbe 1999.
Di s' mestî, il esteut mangon.
Di s' mwaisse pasmint d' tins, esteut muzicyin, pår djouweu d' årmonica (acordeyonisse), å cmince avou èn orkesse di dicåce, les "Rythmes Boys" (di 1944 a 1964).
Ouve pol walon candjî
On lyi doet dipus d' trinte roles di cwårmea (paroles et muzike).
Si tchanson li pus cnoxhowe, paski foirt simpe a-z aprinde ås efants, pår e l' pitite sicole, c' est sins manke "Tching Boum (tchanson)|Tching Boum".
Ene ôte bele tchanson, "Måmdiy e l' esté" a stî studieye ezès scoles di Bive.
Alére candjî
Alphonse Nicolet & Walter Schroeder (mwaisses sicrijheus), D' on vizaedje a l' ôte: Robert Counson, Fré Spirou, Li ptite gazete di Måmdiy, 4/2008 & 2021/3 (l° 96).
Sourdant candjî
- ↑ D' ene fåve etimolodjike so s' viyaedje di nexhance, ricomprins come «mont ås spirous».