Rilén

Li rlén (on dit eto: li rlignaedje, li dislén, li disdjale), c' est l' moumint k' i rlegne dins les froeds payis, al fén del såjhon d' ivier.

Alez s' vey e splitchant motî po des linwincieusès racsegnes so les mots "rilén", "dislén" et "disdjale", et li spårdaedje di ces alomåcions la e 20inme sieke el mape A.L.W. 3.25 (notule 3.86).

Sôres di rlén

Po bén fé, li rlén doet esse doûs. On doûs rlén (on dit eto: on bon rlén, on bea rlén), c' est onk ki s' passe sins nou må. Sovint, i ploût; li nive ni fond nén trop rade, et on n' a nén des grandès aiwes.

Li contråve, c' est on foirt rilén, u on mwais rlén: li nive et les glaeces rilignnut tot d' on côp, et gn a les grossès aiwes.

Li rlén et les grossès aiwes el Walonreye

e 1505: On mwais rlén e moes d' djanvî a fwait k' les glaeçons ont stopé l' pont d' Sambe a Nameur.
e 1994: avou enaiwaedje di des viyaedjes dilé Dinant.
e 1995: avou enaiwaedje di Han-so-Lesse