Lete Q

Li lete Q (grande lete “Q”, pitite lete “q”), c' est l' 17inme lete eyet l' 13inme cosoune di l' alfabet latén.

Grands et ptits Q (letes d' imprimreye)

C' est ene des cenes ki rprezintèt l' son K dins sacwants lingaedje scrîts avou cist alfabet la.

Ele ni sieve nén e rfondou walon.

Les ôtes letes ki polnut rpezinter li son K, avou, c' est les lete K et C.

Eployaedje del lete Q e-n ortografeye do walon

Li lete Q est eployeye coramint e sistinme Feller. Å pus sovint shuvowe del Lete U:

qui, quî, quand, quu, quinte, mastoque, toquer.

C' est come çoula k' elle aparexheut ddja dins li scrîta mins e lûtance avou li lete K, et pacô li scrijha CK:

stoquis­­

Divant li lete W, on l' pout trover tot seule dins sacwants scrijhas do walon do Levant et co pus rålmint ôte pårt.

qwè, qwand.

Li lete Q n' est pus eployeye e rfondou walon (loukîz a: scrijhaedje do son K).