Lete W

Li lete W (lete wé) u doblu, c' est l' 23inme lete di l’ alfabet latén et c' est l' prumire des dmeyès voyales.

kékes mots avou l' lete wé

E walon, ele riprezinte todi li son wé.

Pôzucion del lete W dins l' mot

Ele pout vni:

• a l' tiesse do mot: walon, waire, wesse, wice, wårder
• å mitan do mot:
  • al tiesse del sillabe; ewaeré; saiwer; awè
  • dirî ene ôte cossoune:
    • trokes cw et mw/pw: cweri, cwareme, scwere; mwin, pwin, fwin, mwais, mwaisse, pwin, pwaire
    • francijhas: swerêye, cwåker, espwer, Ourougway.
  • al fén del sillabe: crawieus, aiwiasse, cawter, assawter
• al fén do mot:
  • avou èn halcrosse E padrî; aiwe, pawe, åwe
  • tot å coron: hôw

Uzaedje a pårt e sistinme Feller

E sistinme Feller, li lete W sieve eto po scrire:

• les disfondowes lijdwesses, namurwesses et bassårdinwesses des betchfessî scrijha oi: bwârd, mwârt, wèster, fwêrt.
• les disfondowes carolos, namurwesses et bassårdinwesses do betchfessî scrijha oe: twèt, nwêr, pwêre, såclwè, trwâs, bwâre, pwârèt.

Dins des ôtes lingaedjes

E neyerlandès ey e-n inglès, ele riprezinte ossu l' son wé.

E francès ey e-n almand, ele riprezinte li son vé.