Prumire lete sint På ås Corintîs

Li prumire lete sint På ås djins d' Corinte, c' est on boket do Noû Testamint.

C' est ene lete d' apoisse sicrîte pa sint På (k' esteut adon e l' Macedône) et evoyeye ås noveas crustins d' Corinte.

Cotoû istorike

Loukîz a : Deujhinme_lete_sint_På_ås_djins_d'_Corinte#Cotoû_istorike

Contnou

Ele contént des instruccions kimint les comeres et les omes si doevnut moussî cwand i sont-st e l' eglijhe. Les cmeres divèt awè on noret d' tiesse:

Ene kimere ki dit ses priyires u des profeceyes a dfûle tiesse, ni fwait nén oneur a s' mwaisse (si ome); c' est come si ele n' åreut pont di tchveas. Paski si ene feme ni mete pont d' noret d' tiesse, ele n' a k' a côper ses tchveas. Adon, si c' est djinnant po ene kimere d' awè les tchveas côpés ou d' esse raezêye, ele n' a k' a s' rafûler les tchveas. (XI, 5-6).

Gn a eto totès ricmandåcions po n' nén magnî del tchå k' a stî ofreye ås idoles.

Po çou k' est del tchå ofreye ås idoles, nos savans bén k' end a pont dins l' monde, di diès; et k' i gn a k' on seu Bon Diu. Mins tertos nel savèt nén; oyi, end a sacwants, ki sont co ritnous pa l' abitude des idoles, ki magnèt des tchås ofreyes, et leu consyince est flåwe et mannete. (VIII, 4, 7).

Çou k' on sacrifeye, on l' fwait å Diåle, et nén å Bon Diu. Et dji n' vou nén ki vos soeyoxhe camaerådes avou l' Diåle. Vos n' ploz nén boere å calice do Signeur et å ci do Diåle; vos n' ploz nén esse al tåve då signeur et al cene do Diåle. (X, 20-21).

Houte di çoula, ele contént des ricmandåcion moråles, aprume so les mariaedjes.

C' est a comprinde paski les noveas creyants ni sont nén seulmint des djwifs kiviersîs, mins eto bråmint des Greks, k' ont todi viké, et ki vicnut co avou des ôtes pareys a zels, mins des cis ki n' sont nén divnous crustins; metans minme l' ome et l' feme d' on minme manaedje.

I va eto ricmander di fé l' påye inte creyants, k' ont sovint des bretes:

Paski, mes frés, dj' a-st etindou so vosse conte, pa les djins d' Clowé, ki vos n' vos etindoz nén eshonne. Dji vou dire ki tchaeconk di vos dit «Mi, dji so da På» «et mi, da Apolosse», «et mi, da Cepahasse» «et mi, då Criss» (I, 11-12).

Ratournaedje e walon

Li lete a stî ratournêye e walon pa Maurice Debaty ey eplaideye pa Jean Hamblenne dins l' live «Troes letes sint På et deus sint Pire rimetowes e walon» (2020).

Hårdêyes difoûtrinnes

• so Wikisourd: Prumire_lette_da_Paul_aux_djins_di_Corinthe (ortografeye do ratourneu)
• so Wikisourd: Prumîre lète da Paul aus djins d’ Corinte (riscrijhaedje e Feller-Léonard)
• so Wikisourd: Prumire lete da sint På ås djins d’ Corinte (riscrijhaedje e rfondou)