Picub
On picub[1] u botleuse, c' est ene machine di cinse po ramasser do four u do strin k' a stî metou a hougnes, et ndè fé des balots u boteas.
Motlî candjî
Istwere candjî
Les picubs n' ont cmincî k' avou les tracteurs. Adon, dins l' Bon Payis (Hesbaye…), dandjreus après l' guere di 40.
E l' Årdene, dins les anêyes 1960, tos les cinsîs ont cmincî a picuber, estô di rmete li four a vrak.
Po les strins, cwand gn a yeu des mexhneuses-bateuses, k' ont fwait les hougnes otomaticmint.
Rujhes do picubaedje candjî
Li picub pout bôrer: i s' fåt djoker et l' disbôrer al mwin.
Li loyeur pout må aler. Adon ene des coides ni s' loye nén, et l' balot vele u schire. On ramasse li four u li strin k' est stramé, et l' rimete sol hougne a botler.
Sôres di picubs candjî
Les prumîs, a basse dinsité, fijhént des boteas di 8 a 10 kilos; pu gn a yeu des pus pressants, avou des balots k'ont divnou standårds d' ene cwénzinne di kilos. C' est co des pareys ki les ptits cinsîs d' Afrike bijhrece u les acleveus di tchvå pol plaijhi (e l' Walonreye) ont ptchî dins les anêyes 2020, pask' i sont tchaspougnåves sins si sketer l' schene do dos.
Après ont vnou les picubs a hôte dinsité.
Pus tård ont vnou les ronds balots (rowes di strin), mins li machene k' elzès fjheut si loméve purade ene eboleuse.