Philippe Boula de Mareüil
Philippe Boula de Mareüil, c' est èn indjenieur francès k' a divnou linwincieus pa lu-minme.
| Skepiaedje | 6 di fevrî 1971, 8e arrondissement de Paris |
|---|---|
| Nåcionålité | France |
| Activités | linwincieus, infôrmatikî |
I skepia li 6 di fevrî 1971.
Di s' mestî, il est directeur di rcwerances e Cinte Nåcionå francès po les Rcweraedjes sincieus (CNRS).
Ouve a vey avou l' walon
candjî
Come mwaisse adjinçneu do djåzant atlasse éndjolike des lingaedjes di France et d' avår la, i radjouta sacwants ponts walon, bråmint avou l' aidance da Lucien Mahin, mins eto da Jean-Philippe Legrand, Jacques Desmet eyet Bernard Thiry.
Pu eplaidî ene mape del Beldjike tote seule, la k' on pola schoûter dipus d' 50 eredjistrumints di diferins accints do walon, mins eto di picård, di gåmès, lussimbordjwès et ripouwaryin.
Biyografeye
candjîIl ataca pa fé ses scoles d' indjenieur e «sûtisté årtifiele».
Adon-pwis, fé ene teze sol sinteze do pårlaedje. Après côp, i bouta dins l' privé dins ç' dominne la.
Adon, il a moussî å CNRS come linwincieus, et-z î divni directeur des rcwerances.
Il overe e-n on labo avou des djins d' diferins mestîs, lomé LIMSI, metou avou l' univ di Paris-Sud.
Il î studeye les spepieus detays do pårlaedje, inte di zels les accints etrindjirs, coinreces u des diferinnès classes sociåles.
Çoula l' a moenné å mådjiner li pordjet «djåzant atlasse éndjolike des lingaedjes di France et d' avår la» (France avou ses teritweres houte del mer, Itåleye, Beldjike, Espagne).
-
prezintant l' cayet a on raploû d' linwincieus a Pwetî (moes d' avri 2018) -
Prezintaedje a Lîle (2019) -
E tournêye a Lidje, e 2020 -
avou Pablo Sarachaga et Lucyin Mahin -
(2020)
Lives sicrîts
candjîD'où viennent les accents régionaux ? Le Pommier : Paris, 2010.